8 beautiful Hadith related to ramadan

1-Huzoor aqdas s.a.w farmate hai ki ramzan ke akhri shab me is ummat ki magfirat hoti hai,

Arz ki gai kya wo shab e qadr ki raat hai?

Farmaya: nahi, lekin kam karne wale ko us waqt mazdoori poori di jati hai, jab wo kaam poora karle

(musnad ahmad bin hambal, vol 3, pg no 144, b.s vol 5 pg no 960

2-Huzoor aqdas s.a.w farmate hai- jis ne Allah azzawajal ki raza ke lie ek din ka roza rakha,Allah ta’ala usko jahannam se itna door kar dega, jaise kauwwa, ki jab bacha tha, us waqt se udta raha yaha tak ki budha ho ker mara

(musnad ahmad bin hambal, vol 3, pg no  619, b.s vol 5 pg no 960

3-Huzoor aqdas s.a.w farmate hai Agar kisi ne ek din nafl roza rakha, aur zameen bhar use sona dia jae, jab bi uska sawab poora na hoga, uska sawab to qayamat hi ke din milega

(musnad abi yaali, vol 5, pg no  325, b.s vol 5 pg no 960

4-Huzoor aqdas s.a.w farmate hai ki roza dar ki dua iftar ke waqt radd nahi ki jati

Shoab ul eeman, vol 3, pg no. 407, , b.s vol 5 pg no 961

5-Huzoor aqdas s.a.w farmate hai ki agar meri bando ko maloom hota ki ramzan kya cheez hai, to meri ummat yahi tamanna karti, ki poora saal ramzan hi ho,

Sahih ibn e khuzaima,, vol 3, pg 184, b.s vol 5 pg no 965

6-Huzoor aqdas s.a.w farmate hai ki jab ramzan ki pehli raat hoti hai, Allah azzawajal apni makhlooq ki taraf nazar fermata hai, aur jab Allah kisi banda ki taraf nazar farmae,to use kabhi azaab na dega, aur har roz 10 lakh ko jahannam se azaad fermata hai,aur jab unteeswi (29th) raat hoti hai to maheene bhar me jitney azad kie, unke total ke barabar us ek raat me azaad karta hai, fir jab id ul fitr ki raat aati hgai,farishte khushi manate hai,aur Allah pak apne nor ki khaaas tajalli fermata hai, farishto se fermata hai, ae farishto! Us mazdoor kaq kya badla hai, jisne kaam poora ker liya, farishte arz karte hai, usko poori mazdoori di jae,Allah azzawajal fermata hai. Mai tumhe gawah karta hu, ki maine un sab ko baksh dia

Kanzul aamal, vol 8, pg no 219, b.s vol 5 pg no 965

7-Huzoor aqdas s.a.w farmate hai- jis ne Allah azzawajal ki raah me  ek din ka roza rakhe, Allah ta’ala uske muh ko  jahannam se 70 saal ki raah door farma dega,

Sahih muslim-, b.s vol 5 pg no 965

8-Huzoor aqdas s.a.w farmate hai ki har chhez ki zakaat hai, aur badan ki zakat roza hai,aur roza aadha sabr hai

Sunan ibn e majja, vol 2,pg 346, b.s vol 5 pg no 963